391.59
Մենք պատրաստ ենք քննարկման. Արայիկ Հարությունյանը հանդիպում է դասախոսների հետ
2 րոպեի ընթերցում
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարարությունում անցկացվում է նախարար Արայիկ Հարությունյանի և դասախոսների հանդիպումը։ «Արմենպրես»-ի հաղորդմամբ, նախարար Արայիկ Հարությունյանը դասախոսներին կոչ արեց եզրակացություններ անել բացառապես փաստերի հիման վրա:
«Այս իշխանության հիմնական սկզբունքը եղել է այն, որ չկա որևէ հարց, որը չի կարող չքննարկվել, չկա այնպիսի իրավիճակ, որտեղից լուծումներ չգտնենք: Մեղադրանքներ են հնչում իմ հասցեին, որոնք կարծում եմ ճիշտ չեն: Եթե մենք ցանկանայինք առանց քննարկումների հարցն առաջ տանել, ապա այդպես էլ կանեինք: Ես չգիտեմ, թե որտեղից եք վերցրել, թե որևէ զիջում չի կարող լինել: Մենք պատրաստ ենք քննարկման»,-ասաց Արայիկ Հարությունյանը:
Նախարար տեղեկացրեց, որ առաջարկվող օրենսդրական փոփոխությունների վերաբերյալ բուհերի ամփոփ որևէ փաստաթղթում Հայոց լեզվի, Հայ գրականության, Հայոց պատմության դասավանդման վերաբերյալ որևէ դիտողություն չի եղել:
«Մեզ եկել է Պատմության ֆակուլտետի դիտարկումները, Բանասիրականից ոչինչ չենք ստացել: Շատ եմ ցավում, որ այս ամբողջ գործընթացում հնչում էին միակողմանի դիտարկումներ»,-ասաց նախարարը:
Արդեն մի քանի օր է տարբեր ուսումնական հաստատությունների ուսանողները բողոքի ակցիա են անցկացնում Երևանում՝ իրենց դժգոհությունը հայտնելով «Բարձրագույն կրթության և գիտության մասին» ՀՀ օրենքի նախագծի վերաբերյալ: Մասնավորապես, նրանք դեմ են բուհերում Հայոց լեզու և Հայոց պատմություն առարկաների դասավանդման վերաբերյալ նոր առաջարկություններին:
Բաժանորդագրվեք մեր ալիքին Telegram-ում