ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: Մարմնամարզիկներն աշխարհի գավաթի խաղարկության հերթական փուլին կմասնակցեն 4 մարզիկով:
«Արմենպրես»-ի հաղորդմամբ` գերմանական Կոտբուս քաղաքում կայանալիք աշխարհի գավաթ խաղարկության հերթական փուլում մեդալների համար կպայքարեն` Հարություն Մերդինյանը, Վահագն Դավթյանը, Արթուր Դավթյանը և Արթուր Ավետիսյանը:
Աշխարհի գավաթի խաղարկությունը կմեկնարկի նոյեմբերի 18-ին և կեզրափակվի 25-ին: Այն համարվում է Տոկիոյի 32-րդ ամառային Օլիմպիական խաղերի համար վարկանիշային մրցաշար: