Ջոնսոնը խոստացել Է երկիրը ԵՄ-ից դուրս բերել հունվարի 31-ից ոչ ուշ
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի վարչապետ Բորիս Ջոնսոնը խոստացել Է, որ թագավորությունը Եվրամիությունից դուրս կգա հունվարի 31-ից ոչ ուշ, եթե Պահպանողական կուսակցությունը հաղթանակ տանի բրիտանական խորհրդարանի վաղաժամկետ ընտրություններում: Այդ մասին կառավարության ղեկավարը, որը հոկտեմբերի 31-ին այցելել Է Քեմբրիջ, հայտարարել Է Sky News հեռուստաալիքին տված հարցազրույցում, տեղեկացնում Է «Արմենպրես»-ը:
«Եթե դուք քվեարկեք մեր կուսակցության օգտին, եւ եթե մեզ հաջողվի իրականացնել Brexit-ին վերաբերող մեր ծրագիրը, որը լիովին պատրաստ Է, ապա մենք Եվրամիությունը կլքենք հաջորդ տարվա հունվարի 31-ից ոչ ուշ»,-ասել Է Ջոնսոնը:
Բրիտանական խորհրդարանի արտահերթ ընտրությունները, որոնք անցկացնելու որոշումը Համայնքների պալատն ընդունել Է հոկտեմբերի 29-ին, կկայանան դեկտեմբերի 12-ին, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում