Ժամանակը Երևանում՝ 11:07:36,   29 Նոյեմբեր

Կառավարությունը շուրջ 120 մլն դրամով պակաս է բավարարել Հաշվեքննիչ պալատի բյուջետային հայտը

Կառավարությունը շուրջ 120 մլն դրամով պակաս է բավարարել Հաշվեքննիչ պալատի 
բյուջետային հայտը

ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ կառավարությունը շուրջ 120 մլն դրամով պակաս է բավարարել 2020թ. համար Հաշվեքննիչ պալատի բյուջետային հայտը:

«Արմենպրես»-ի փոխանցմամբ` այս մասին հոկտեմբերի 30-ին ՀՀ ազգային ժողովի մշտական հանձնաժողովների համատեղ նիստում 2020 թվականի պետական բյուջեի մասին օրենքի նախագծի քննարկման ընթացքում ասաց Հաշվեքննիչ պալատի նախագահ Լևոն Յոլյանը:

«2020թ. ՀՀ պետական բյուջեով Հաշվեքննիչ պալատին հատկացված է 1 մլրդ 90 մլն դրամ, ինչը 29 մլն դրամով պակաս է նախորդ տարվա հատկացված ֆինանսական միջոցների համեմատ: Պետք է նշեմ, սակայն, որ Հաշվեքննիչ պալատը ներկայացրել էր 1 մլրդ 209 մլն 922 հազար դրամի չափով բյուջետային հայտ, այսինքն` մեր բյուջետային հայտը բավարարվել է 119 մլն 634 հազար դրամով պակաս»,- ասաց Յոլյանը:

Լևոն Յոլյանը նշեց, որ ներկա պահին այդ խնդիրը քննարկվում է ՀՀ կառավարության հետ:

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ