1000х90.jpg (78 KB)

Երևանում՝ 11:07,   29 Մարտ 2024

Հանքարդյունաբերողների համար շահավետ է եղել վճարել ծիծաղելի տուգանքը և կարգավորումների չգնալ.նախարար

Հանքարդյունաբերողների համար շահավետ է եղել վճարել ծիծաղելի տուգանքը և 
կարգավորումների չգնալ.նախարար

ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանում պոչամբարների անվտանգության հետ կապված կա օրենսդրություն, ընթացակարգը սահմանված է, բայց բոլոր պոչամբարների անվտանգության առաջին պատասխանատուն տնտեսվարողն է: Այդ մասին կառավարության նիստից հետո լրագրողների հետ զրույցում նշեց Շրջակա միջավայրի նախարար Էրիկ Գրիգորյանը:

«Օրենսդրությամբ առաջին փուլում ՇՄԱԳ-ի միջոցով ուսումնասիրվում է, հետագայում Արտակարգ իրավիճակների նախարարությունն ունի տեխնիկական անվտանգության գործընթաց, որն ավելի ընդհանրական է»,- «Արմենպրես»-ի փոխանցմամբ՝ ասաց նախարարը:

Էրիկ Գրիգորյանի խոսքով՝ հանքարդյունաբերող ընկերություններն իրենց նախարարության նկատմամբ ունեն պարտավորություններ: «Մեր հանդեպ պարտավորություններ ունեն, որ աղտոտում չլինի, չափաքանակներից ավելի ջրառ չլինի: Բայց, քանի որ կարգավորումները մեծ մասամբ ֆիկտիվ բնույթ են կրել, տուգանքները ծիծաղելի ցածր են եղել, շատ դեպքերում շահավետ է եղել տեխնիկական լուծումների չգնալ, ու եթե լինի վթար, վճարել այդ վթարի 500-600 հազար դրամը և չանհանգստանալ»,- ասաց նախարարը:

Հոկտեմբերի 17-ին, ժամը 08:40-ին «911» ծառայություն տեղեկություն է հաղորդվել, որ Սյունիքի մարզի Ողջի գետը պղտորված է (սպիտակել է):

Դեպքի վայր է մեկնել ԱԻՆ ՓԾ մարզային ճգնաժամային կառավարման կենտրոնի օպերատիվ խումբը:

Պարզվել է, որ վնասվել է Սյունիքի մարզի Ներքին Գիրաթաղ գյուղի մոտակայքում գտնվող «Զանգեզուրի պղնձամոլիբդենային կոմբինատ» ՓԲԸ-ի խողովակաշարը. արտանետումները լցվել են Ողջի գետը: Գետը որոշակի աղտոտված է:

Մինչ փրկարարների՝ կանչի վայր հասնելը խողովակաշարի վնասված հատվածը վերականգնվել է:

Բնապահպանության և ընդերքի տեսչական մարմնի մարզային կառույցի աշխատակիցները գետից նմուշառումներ են վերցրել:

Կտրվի լրացուցիչ տեղեկություն:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]