Երևանում՝ 11:07,   19 Մարտ 2024

«Աղքատության փուլային հաղթահարում» ծրագիրն արդեն իսկ տվել է իր դրական արդյունքները

«Աղքատության փուլային հաղթահարում» ծրագիրն արդեն իսկ տվել է իր դրական 
արդյունքները

ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: «Իմ քայլը» հիմնադրամ»-ը և Վորլդ Վիժն Հայաստանը, ՀՀ աշխատանքի և սոցիալական հարցերի նախարարության աջակցությամբ 2019 թվականին կիրառել են «Աղքատության փուլային հաղթահարում» ծրագիրը, որին ներգրավված է եղել 18 ծայրահեղ աղքատ ընտանիք:

«Արմենպրես»-ի հաղորդմամբ՝ արդյունքում բարելավվել է այդ ընտանիքների սոցիալ-տնտեսական վիճակը, լուծվել են մի շարք առողջական և կենցաղային խնդիրներ:

Վորլդ Վիժն Հայաստանի տնօրեն Ժիրայր Էդիլյանն ասաց, որ սոցիալական աշխատանքի և Աղքատության փուլային հաղթահարման ծրագրին մասնակցող ընտանիքների 48 տոկոսը հաղթահարել է ծայրահեղ աղքատությունը:

Նրա խոսքով՝ այդ ընտանիքների 90 տոկոսի մոտ աճել է տարեկան եկամուտը, երեխաների 77 տոկոսի առողջական վիճակը բարելավվել է, իսկ նրանց 82 տոկոսում բարելավվել է կյանքի որակը:

Էդիլյանը ներկայացրեց նաև 2017 թվականին արված հետազոտությունների որոշ տվյալներ, որ օրինակ՝ Հայաստանում ընդհանուր առմամբ 766 հազար մարդ աղքատ է:

«Ծայրահեղ աղքատ համարվող 42 հազար մարդու ամսական եկամուտը չի գերազանցում 24 հազար դրամը: Երեխաների 2.1 տոկոսն ապրում է ծայրահեղ աղքատության մեջ, իսկ 30.8 տոկոսը՝ աղքատության»,- Էդիլյանը և հավելեց, որ Հայաստանում 25.7 տոկոսն աղքատ է, իսկ 1.4 տոկոսը՝ ծայրահեղ աղքատ:

ՀՀ աշխատանքի և սոցիալական հարցերի նախարար Զարուհի Բաթոյանն ասաց, որ իրենք ունեն աղքատության հաղթահարման 3 հիմնական ուղղություն՝ սոցիալական աջակցություն, գումարային աջակցություն և առկա ծրագրերի հասցեականության բարձրացումը:

«Մենք առկա ծրագրերում նույնպես իրականացնում ենք բարեփոխումներ: Կարևորում ենք դժվարին իրավիճակում հայտնված ոչ միայն ֆինանսական կամ նյութական աջակցությունը, այլ նաև կարողությունների զարգացումն ու խորհրդատվության տրամադրումը՝ վերապատրաստումների միջոցով»,- շեշտեց Բաթոյանը և կարևորեց աղքատության հաղթահարման այս փորձը պետական քաղաքականության մաս դարձնելու հնարավորությունը:

«Իմ քայլը» հիմնադրամի գործադիր տնօրեն Հովհաննես Ղազարյանը նշեց, որ այս ծրագիրը հասցեական է, օգնում է ընտանիքներին դառնալ ինքնաբավ, ունենալ տնտեսական կայուն աճ:

«Նմանատիպ ծրագրերը երկարաժամկետ ազդեցություն են թողնում՝ հնարավորություն տալով դուրս բերել այդ ընտանիքներին աղքատությունից»,- ասաց Ղազարյանը:

Նրա խոսքով՝ «Աղքատության փուլային հաղթահարում» ծրագրի մասնակից ընտանիքներին, իրենք փորձում են ուսուցանել այնպիսի մասնագիտություններ, որոնք համահունչ են այսօրվա աշխատաշուկայի պահանջներին: Ղազարյանն ընդգծեց, որ այդ քայլով լրացվում է նաև շուկայում առկա բացը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]