1000х90.jpg (78 KB)

Երևանում՝ 11:07,   29 Մարտ 2024

Առողջապահության նախարարությունը նախատեսում է ստեղծել արյան պաշարների կենտրոնացված ռեեստր

Առողջապահության նախարարությունը նախատեսում է ստեղծել արյան պաշարների 
կենտրոնացված ռեեստր

ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ առողջապահության նախարարությունը նախատեսում է արյան պաշարների կենտրոնացված ռեեստր ստեղծել, ինչպես նաև բաշխման համակարգ:

«Արմենպրես»-ի հաղորդմամբ՝ այս մասին լրագրողների հետ զրույցում ասաց ՀՀ առողջապահության նախարար Արսեն Թորոսյանը:

«Այս քայլին ենք գնում, քանի որ սոցիալական ցանցերում նկատել ենք՝ քաղաքացիները հաճախ գրում են իրենց X քանակությամբ արյան անհրաժեշտ լինելու մասին: Մենք դա համարում ենք ոչ ճիշտ և անթույլատրելի: Այս դեպքում քաղաքացին զերծ կլինի նմանատիպ գործերին խառնվելուց»,- նշեց Թորոսյանը:

Նրա խոսքով՝ հիվանդանոցների պատասխանատուները կունենան հասանելիություն այդ համակարգին և արյան կարիքի դեպքում անձամբ կարող են գնալ և արյունը ստանալ:

«Հիվանդանոցից կարող է բժիշկը գնալ այդ կենտրոն և վերցնել արյունը կամ պատվիրել կենտրոնացված ռեեստրում, որտեղ կա տվյալ արյունը: Այս դեպքում կբարձրացվի ծառայությունների որակը՝ քաղաքացին սեփական մեքենայով չի տեղափոխի անհրաժեշտ արյունը, ինչպես նաև կավելանա փնտրելու արագությունը»,- ասաց ՀՀ առողջապահության նախարարը:

Թորոսյանն ընդգծեց, որ փնտրելու համակարգի խնդիր է մշտապես եղել, այլ ոչ՝ արյան պաշարի:  


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]