1000х90.jpg (78 KB)

Երևանում՝ 11:07,   28 Մարտ 2024

Գիտական կառույցները կֆինանսավորվեն ըստ աշխատանքի արդյունավետության. Նոր կարգն ուժի մեջ կլինի 2020-ի

Գիտական կառույցները կֆինանսավորվեն ըստ աշխատանքի արդյունավետության. Նոր 
կարգն ուժի մեջ կլինի 2020-ի

ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Հայաստանում գիտական հաստատությունները կֆինանսավորվեն ըստ իրենց աշխատանքի արդյունավետության:

«Արմենպրես»-ի մամուլի սրահում հրավիրված ասուլիսում Գիտության կոմիտեի նախագահ Սամվել Հարությունյանը նշեց, որ նախատեսում են ֆինանսավորման այս տարբերակն ուժի մեջ մտցնել 2020 թվականի հունվարի 1-ից:

«Այսինքն՝ այն հիմնարկը, որն ավելի արդյունավետ է աշխատում, ավելի շատ ֆինանսավորում կստանա: Թե ինչի համար և որքան միավոր կստանա տվյալ հիմնարկը, դա ստեղծված հանձնաժողովի որոշմամբ է լինելու: Հանձնաժողովի անդամները տարբեր գիտական կառույցների բարձրակարգ մասնագետներ են: Նրանք կգնահատեն, և կունենանք պատկեր հասկանալու համար, թե ինստիտուտը ինչպես է աշխատել»,-ասաց Սամվել Հարությունյանը: Նրա խոսքով, այս մոտեցմամբ ակնկալվում է, որ հիմնարկների միջև առողջ մրցակցություն կառաջանա, և դա կբերի բյուջեի բաշխումների ավելի արդար օգտագործման, քան մինչև հիմա է եղել: Նման համակարգ կիրառվում է աշխարհի տարբեր առաջատար երկրներում:

«Ասեմ, որ կան մի քանի տարբեր չափանիշներ, դրանք են՝ տպագրված հոդվածները, միջազգային համագործակցությունը, մանկավարժական գործունեությունը, նորագույն սարքավորումների առկայությունը, ասպիրանտների պաշտպանությունը, շահած գրանտները և այլն: Հասարակագիտական հիմնարկների համար չափանիշները տարբերվելու են, վստահ եղեք համեմատելու ենք նմանները նմանների հետ: Երբեք որևէ մեկի մտքով չանցնի, որ հայագիտությունը ֆիզիկայի հետ ենք համեմատելու»,-ասաց Սամվել Հարությունյանը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]