ԵՐԵՎԱՆ, 10  ՄԱՅԻՍԻ, ԱՐՄԵՆՊՐԵՍ: ՀՀ ազգային ժողովն առաջին ընթերցմամբ ընդունեց մի շարք օրենքների նախագծեր: 

«Արմենպրես» -ի հաղորդմամբ՝ կառավարության կողմից ներկայացված «Հայաստանի Հանրապետության հարկային օրենսգրքում փոփոխություն կատարելու մասին» օրենքի նախագիծն առաջին ընթերցմամբ ընդունվեց 92 կողմ ձայներով։

Հայաստանի Հանրապետության քրեական օրենսգրքում փոփոխություններ կատարելու մասին» օրենքի նախագիծն ընդունվեց 101 կողմ, և 1 ձեռնպահ ձայներով, «Հայաստանի Հանրապետության ջրային օրենսգրքում լրացումներ և փոփոխություններ կատարելու մասին» օրենքի նախագիծը՝ 105 կողմ ձայներով:

ԱԺ-ն առաջին ընթերցմամբ ընդունեց նաև «Հայաստանի Հանրապետության հարկային օրենսգրքում լրացում և փոփոխություն կատարելու մասին»  օրենքի նախագիծը 102 կողմ ձայներով: 

«Վարչական իրավախախտումների և պետական տուրքի համար կիրառված տույժերի համաներման մասին» և «Պետական գույքի մասնավորեցման 2017-2020 թվականների ծրագրի մասին» Հայաստանի Հանրապետության օրենքում փոփոխություններ կատարելու մասին» նախագծերն ընդունվեցին  միաձայն 106 կողմ ձայներով: