ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Մեքսիկայի հյուսիսում անհայտ զինված անձինք կանգնեցրել են մարդատար ավտոբուսը եւ առեւանգել 41 ուղեւորից 19-ին: Այդ մասին, ինչպես տեղեկացնում Է «Արմենպրես»-ը, հայտնել են տեղական լրատվամիջոցները: Հարձակվողներն ստիպել են ավտոբուսի վարորդին կանգ առնել՝ նրա ճանապարհը փակելով երկու ավտոմեքենայով:

Դրանից հետո նրանք ավտոբուսից դուրս են բերել բոլոր ուղեւորներին, ընտրել նրանցից 19-ին, տեղավորել ավտոմեքենաներում, որոնցով եկել Էին, ու ճողոպրել: Միջադեպը տեղի Է ունեցել Տամաուլիպաս նահանգում, որը սահմանակցում Է ԱՄՆ-ի Տեխասի նահանգին: Այն հայտնի Է առեւանգումներով ու մարդկանց անհետացումներով: Ներկայում նահանգում կորած Է համարվում Է մոտավորապես 35 հազար մարդ, հաղորդել Է «Ինտերֆաքս»-ը: