Ժամանակը Երևանում՝ 11:07:36,   5 Ապրիլ

ՀՀ-ում 300 մլրդ դրամ դատական բանավեճային հարթակում է. Վարչապետը կարևորում է վեճերի այլընտրանքային լուծումների ներդրումը

 ՀՀ-ում 300 մլրդ դրամ դատական բանավեճային հարթակում է. Վարչապետը կարևորում 
է վեճերի այլընտրանքային լուծումների ներդրումը

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը կարևորում է Հայաստանի Հանրապետությունում դատական վեճերի այլընտրանքային լուծումների ու արբիտրաժային համակարգի ներդրումը: «Արմենպրես»-ի փոխանցմամբ՝ այս մասին փետրվարի 12-ին Ազգային ժողովում ասաց ՀՀ վարչապետ Նիկոլ Փաշինյանը, պատասխանելով պատգամավորների հարցերին:

«Մենք դատաիրավական համակարգի բարեփոխումների համակարգում չափազանց մեծ կարևորություն ենք տալիս վեճերի կարգավորման այլընտրանքային մեխանիզմներին և եղանակներին, որովհետև դատական համակարգի այսօրվա գործունեությունը շատ մեծ խնդիրներ է ստեղծում նաև տնտեսության համար: Օրինակ՝ այս պահին 300 մլրդ դրամ կա ՀՀ-ում, որը դատական գործընթացների մեջ գտնվելու պատճառով ոչ մեկինը չէ: Այսինքն՝ այն ինչ-որ բանավեճային հարթակում դրված է, և տարբեր մարդիկ վիճում են, թե այդ 300 մլրդ դրամն ումն է, և քանի դեռ այդ վեճը լուծված չէ, այդ գումարը չի կարող դրվել տնտեսության մեջ, և որևէ խնդիր լուծել: Դրա համար մենք շատ կարևորում ենք, որպեսզի հարցերի արբիտրաժային լուծումները և վեճերի լուծման հնարավորինս այլընտրանքային լուծումները էականորեն զարգանան»,- ասաց վարչապետ Փաշինյանը:

Նիկոլ Փաշինյանն Ազգային ժողովին ներկայացնում է փետրվարի 8-ին գործադիրի կողմից հաստատված Կառավարության ծրագիրը:

 





https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ