391.57
ՀՀ ոստիկանության ստորաբաժանումները քվեարկության ողջ ընթացքում գրանցել են ընտրախախտումների վերաբերյալ 144 հաղորդում
1 րոպեի ընթերցում
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ ոստիկանության ստորաբաժանումներում ԱԺ արտահերթ ընտրությունների քվեարկության ողջ ընթացքում գրանցվել է ընտրական խախտումների վերաբերյալ 144 հաղորդում: «Արմենպրես»-ի փոխանցմամբ՝ այս մասին Կենտրոնական ընտրական հանձնաժողովում կայացած մամուլի ասուլիսում ասաց ՀՀ ոստիկանության շտաբի պետի տեղակալ և տեսչական վարչության պետ, ոստիկանության գնդապետ Աշոտ Սարգսյանը:
«ՀՀ ոստիկանության ստորաբաժանումներում գրանցվել է 144 հաղորդում, Երևանում՝ 36, մարզերում՝ 108: Դրանցից 58-ը հանցագործությունների մասին, իսկ 86 առերևույթ հանցագործության հատկանիշներ չպարունակող, սակայն ստուգման ենթական այլ տեղեկություններ: Հանցագործության մասին 58 հաղորդումներից 7-ն ուղարկվել են ՀՀ ՊՆ ռազմական ոստիկանության տարածքային ստորաբաժանումներ, 1-ը՝ դատախազությունը, մեկը՝ քննչական կոմիտեի Արարատի քննչական վարչություն: Մնացած դեպքերով ոստիկանությունում նախապատրաստվում են նյութեր»,- ասաց Սարգսյանը:
ՀՀ ոստիկանության ստորաբաժանումներում գրանցված խախտումների մասին դեպքերը տարատեսակ բնույթի են:
Բաժանորդագրվեք մեր ալիքին Telegram-ում