Ժամանակը Երևանում՝ 11:07:36,   14 Նոյեմբեր

100 օրվա ժամանակաշրջանից հետո թևակոխում ենք նոր փուլ, որի հիմնական իմաստը բարեփոխումները ֆորսաժի ենթարկելն է. Նիկոլ Փաշինյան

100 օրվա ժամանակաշրջանից հետո թևակոխում ենք նոր փուլ, որի հիմնական իմաստը բարեփոխումները ֆորսաժի ենթարկելն է. Նիկոլ Փաշինյան

ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: ՀՀ կառավարությունը 100-օրվա գործունեության ընթացքում լուծել է հիմնական խնդիրը, այն է՝ ապահովել հետհեղափոխական շրջանում երկրի բնականոն գործունեությունը և տնտեսության բնականոն շարունակական զարգացումը: Այդ մասին կառավարության նիստում հայտարարեց ՀՀ վարչապետ Նիկոլ Փաշինյանը:

«Իմ կարծիքով՝ 100 օրվա ժամանակաշրջանից հետո մենք թևակոխում ենք նոր փուլ, որի հիմնական իմաստը բարեփոխումները ֆորսաժի ենթարկելն է,  որպեսզի մեր երկրի և տնտեսության համար նոր շունչ բացվի, արագությունը բացվի, որպեսզի կարողանանք նաև բյուջետային քննարկումների համատեքստում կոնկրետ հեռանկարներ և արդյունքներ արձանագրել: Հույս ունեմ, որ այս 100 օրվա ընթացքում, որի արդյունքները կամփոփվեն վաղը՝ Հանրապետության հրապարակում տեղի ունենալիք հանրահավաքի ընթացքում, կուտակված բովանդակությունը և էներգիան հնարավորություն կտա, որպեսզի մենք նոր թափով իրագործենք և հետամուտ լինենք այն խնդիրներին, որ ՀՀ քաղաքացիները դրել են մեր առաջ»,- «Արմենպրես»-ի փոխանցմամբ, ասաց վարչապետը:

Նիկոլ Փաշինյանի խոսքով՝ որևէ կասկած չկա, որ կառավարությունն այդ խնդիրները լուծում է արդյունավետ: «Հայ ժողովրդի հաղթանակն անխուսափելի է»,- ընդգծեց կառավարության ղեկավարը:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ