Turkish Airlines-ը հայտարարել Է ԱՄՆ-ի ընկերությունների գովազդը բոյկոտելու մասին
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Թուրքիայի Turkish Airlines ազգային ավիափոխադրողը մտադիր Է բոյկոտել Միացյալ Նահանգների ֆիրմաների գովազդն ի պատասխան ԱՄՆ-ի պատժամիջոցների:
Այդ մասին, ինչպես տեղեկացնում Է «Արմենպրես»-ը, հայտնել Է ավիաընկերության մամուլի քարտուղար Յահյա Ուսթյունը: Ամերիկյան գովազդը բոյկոտելու կոչը թուրք օգտատերերի սոցիալական ցանցերում տարածվում Է օգոստոսի 13-ից:
Օգոստոսի 14-ին Թուրքիայի նախագահ Թայիփ Էրդողանը հայտարարել Է, որ իր երկիրը բոյկոտ կհայտարարի ամերիկյան Էլեկտրոնային արտադրանքին: Ուսթյունը Twitter-ի իր Էջում զետեղել Է#ABDyeReklamVerme («Մի՛ տվեք ամերիկյան գովազդ») հեշթեգը՝ Թուրքիայի մյուս ընկերություններին կոչ անելով միանալ ակցիային: «Turkish Airlines-ը մեր պետության եւ ժողովրդի կողքին Է: Մեր (գովազդային) գործակալություններին անհրաժեշտ կարգադրություններ են արվել»,- գրել Է նա, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում