Ժամանակը Երևանում՝ 11:07:36,   20 Հոկտեմբեր

Մունդիալի եզրափակչին կհետևեն 14 երկրի ղեկավարներ


ԵՐԵՎԱՆ, 14 ՀՈՒԼԻՍԻ, ԱՐՄԵՆՊՐԵՍ: Մոսկվայում կայանալիք ֆուտբոլի աշխարհի առաջնության եզրափակչին նախատեսվում է, որ ներկա կլինեն 14 երկրի ղեկավարներ: «Արմենպրես»-ի հաղորդմամբ, այս մասին տեղեկացնում է «ՌԻԱ Նովոստի»-ն:

«Նախատեսվում է, որ ներկա կլինեն Աբխազիայի, Հայաստանի, Ֆրանսիայի, Խորվաթիայի, Բելառուսի, Հունգարիայի, Սուդանի, Գաբոնի, Մոլդովայի, Պաղեստինի, Հարավային Օսիայի նախագահները, Քաթարի Էմիրը, Ղրղզստանի, Սան Տոմե և Պրինսիպի դեմոկրատական հանրապետության վարչապետները»,-ասված է Կրեմլի լրատվական ծառայության հաղորդագրության մեջ:

Ավելի վաղ հաղորդվում էր, որ Ռուսաստանի նախագահ Վլադիմիր Պուտինը ներկա կլինի Ֆուբոլի աշխարհի առաջնության փակման արարողությանը և կդիտի եզրափակիչ Ֆրանսիա- Խորվաթիա խաղը:

Հայաստանի Հանրապետության նախագահ Արմեն Սարգսյանն այսօր մեկնել է Մոսկվա: Հուլիսի 14-ին նախագահ Սարգսյանը Մոսկվայի Մեծ թատրոնում ներկա կգտնվի ֆուտբոլի աշխարհի առաջնության ավարտին նվիրված համաշխարհային օպերային աստղերի գալա-համերգին: Հուլիսի 15-ին Հանրապետության նախագահը «Լուժնիկի» մարզադաշտում կհետեւի ֆուտբոլի աշխարհի առաջնության փակման հանդիսավոր արարողությանը, ապա՝ եզրափակիչ խաղին:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ