Արծվիկ Մինասյանը, Վահան Մարտիրոսյանը, Լևոն Մկրտչյանը և Հրաչյա Ռոստոմյանը վերանշանակվեցին պաշտոններում
18:35, 23 Ապրիլ 2018
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: ՀՀ նախագահ Արմեն Սարգսյանի հրամանագրերով նշանակվել են ՀՀ բնապահպանության, Տրանսպորտի, կապի և տեղեկատվական տեխնոլոգիաների, Կրթության և գիտության, Սպորտի և երիտասարդության հարցերի նախարարները:
Ինչպես հաղորդում է «Արմենպրես»-ը՝ վկայակոչելով ՀՀ նախագահի պաշտոնական կայքը, ՀՀ բնապահպանության նախարարի պաշտոնում վերանշանակվել է Արծվիկ Մինասյանը, Տրանսպորտի, կապի և տեղեկատվական տեխնոլոգիաների նախարարի պաշտոնում՝ Վահան Մարտիրոսյանը, Կրթության և գիտության նախարարի պաշտոնում՝ Լևոն Մկրտչյանը, Սպորտի և երիտասարդության հարցերի նախարարի պաշտոնում՝ Հրաչյա Ռոստոմյանը:
Բաժանորդագրվեք մեր ալիքին Telegram-ում