Հրշեջները մարել են ՀՀ խոտածածկ տարածքների բոլոր հրդեհները
12:29, 4 Մարտ 2018
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: ՀՀ ԱԻՆ Ճգնաժամային կառավարման ազգային կենտրոնը մարտի 3-4-ն ահազանգեր է ստացել հանրապետության տարբեր խոտածածկ տարածքներում բռնկված հրդեհների վերաբերյալ:
Մասնավորապես՝ Լոռու մարզի «Վանաձորի ինֆեկցիոն հիվանդանոց» ՓԲԸ-ի մոտակայքում այրվել է մոտ 5 հա խոտածածկույթ, «Քոթուկներ» կոչվող չգործող ռեստորանի և Ծերանոցի միջև ընկած տարածքում` մոտ 3000 քմ, Սյունիքի մարզի Ալվանք գյուղի մոտակայքում՝ մոտ 2000 քմ:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, բոլոր հրդեհները հրշեջ-փրկարարները մեկուսացրել են և մարել:
Բաժանորդագրվեք մեր ալիքին Telegram-ում