Ժամանակը Երևանում՝ 11:07:36,   5 Օգոստոս

Հայաստանի ռուսական ռազմակայանի օդաչուները ՀՕՊ-ի պայմանական օբյեկտներ են ոչնչացրել

Հայաստանի ռուսական ռազմակայանի օդաչուները ՀՕՊ-ի պայմանական օբյեկտներ են ոչնչացրել
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Հայաստանի ռուսական ռազմակայանի «Էրեբունի» ավիաբազայի Միգ-29 կործանիչների օդաչուները ուսումնավարժական թռիչքների ընթացքում փորձարկել են պայմանական հակառակորդի հակաօդային պաշտպանության օբյեկտների ոչնչացումը:

Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունում, թռիչքային առաջադրանքներ կատարելիս օդաչուները յուրացրել են լեռնային տեղանքում օդերեւութաբանական բարդ պայմաններում տարբեր բարձրությունների վրա նավավարման պարզ ու բարդ տարրերը:

Առանձին եւ մարտական զույգերի կազմում ՄիԳ-29 կործանիչների անձնակազմերը փորձարկել են պայմանական հակառակորդի ՀՕՊ-ի համակարգի հաղթահարման, ավիացիոն հրթիռների Էլեկտրոնային կիրառմամբ առավել կարեւոր ցամաքային թիրախների խոցման գործողություններ:

Վարժական թռիչքներն իրականացվում են հարյուրից ավելի զինծառայողների ներգրավմամբ, որոնք ներկայացնում են թռիչքային, տեխնիկական անձնակազմերը եւ ցամաքային ապահովման ծառայությունները: Գործի Է դրված շուրջ 20 ինքնաթիռ: Ընթացիկ տարում ՄիԳ-29-երի օդաչուները հազարից ավելի ուսումնական եւ ուսումնամարտական թռիչքներ կկատարեն տակտիկական վարժանքների եւ ԱՊՀ-ի երկրների ՀՕՊ-ի միասնական համակարգում մարտական հեղթապահության ընթացքում:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ