387.58
«Մանչեսթեր Յունայթեդի» մի խումբ ֆուտբոլիստներ հաջողություն են մաղթել Մխիթարյանին
1 րոպեի ընթերցում
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի ավագ Հենրիխ Մխիթարյանի արդեն նախկին խաղընկերները` «Մանչեսթեր Յունայթեդ»-ի ֆուտբոլիստները, սոցցանցերում հաջողություն են մաղթել Մխիթարյանին:
«Արմենպրես»-ի հաղորդմամբ` «կարմիր սատանաների» ֆուտբոլիստ Ջեսի Լինգարդը գրել է. «Լավագույնը քեզ, եղբայր»: «Մանչեսթեր Յունայթեդ»-ի իսպանացի խաղացող Խուան Մատան ևս հաջողություն է մաղթել հայ ֆուտբոլիստին` խորհուրդ տալով վայելել նոր ակումբը:
«Իմ եղբայր, հաջողություն քեզ: Ես կկարոտեմ քեզ»,-գրել է բելգիացի հարձակվող Լուկակուն:
Հայ կիսապաշտպանին հաջողություն է մաղթել նաև «Մանչեսթեր Յունայթեդ»-ի գլխավոր մարզիչ Ժոզե Մոուրինյոն. «Մխիթարյանին հաջողություն եմ մաղթում և ամենայն բարիք: Մենք նրան չենք մոռանա»:
Հայաստանի ազգային թիմի ավագ Հենրիխ Մխիթարյանը «Մանչեսթեր Յունայթեդ»-ից տեղափոխվեց «Արսենալ», իսկ «զինագործներից» մանկունյական ակումբ տեղափոխվեց չիլիացի հարձակվող Ալեքսիս Սանչեսը: Ըստ «Արսենալ»-ի պաշտոնական կայքի` Մխիթարյանը լոնդոնյան ակումբի հետ երկարաժամկետ պայմանագիր է ստորագրել:
