1000х90.jpg (78 KB)

Երևանում՝ 11:07,   29 Մարտ 2024

Փարհամ Մաղսուդլուն՝ Անդրանիկ Մարգարյանի հուշամրցաշարի հաղթող  

Փարհամ Մաղսուդլուն՝ Անդրանիկ Մարգարյանի հուշամրցաշարի հաղթող

 

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Հայաստանի շախմատի ակադեմիայում ավարտվեց Անդրանիկ Մարգարյանի հուշամրցաշարի շրջանակում անցկացվող շրջանային մրցաշարը:

«Արմենպրես»-ի հաղորդմամբ` Իրանը ներկայացնող գրոսմայստեր Փարհամ Մաղսուդլուն և Ռուսաստանը ներկայացնող միջազգային վարպետ Կլիմենտի Սիչովը 9 հնարավորից վաստակեցին 6.5-ական միավոր և կիսեցին 1-2-րդ հորիզոնականները: Լրացուցիչ ցուցանիշների հաշվարկից հետո մրցաշարի հաղթող հռչակվեց Մաղսուդլուն, իսկ Սիչովին բաժին հասավ արծաթե պարգևը: Հայաստանը ներկայացնող Արամ Հակոբյանը և Լեհաստանի ներկայացուցիչ Լուկաշ Յարմուլան 6-ական միավորով բաժանեցին 3-4-րդ հորիզոնականները: Ավելի բարձր լրացուցիչ ցուցանիշների շնորհիվ բրոնզե պարգևին արժանացավ Հակոբյանը: Նման բարձր արդյունքի շնորհիվ Հակոբյանը լրացրեց գրոսմայստերի նորմա և 18 կետով բարձրացրեց իր անհատական վարկանիշը. այն այժմ կազմում է 2497:

 Նշենք նաև, որ այստեղ լրացված նորման 2-րդն է Արամի համար, և ևս մեկը լրացնելու պարագայում նրան կշնորհվի գրոսմայստերի տիտղոս: Մրցաշարում գրոսմայստերի նորմա լրացրեցին նաև Կլիմենտի Սիչովը և Լուկաշ Յարմուլան:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]