367.79
Նաիրա Զոհրաբյանը կառաջարկի լրագրողների մասնագիտական գործունեությունը խոչընդոտելու համար խիստ պատիժ սահմանել
1 րոպեի ընթերցում
ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Ազգային ժողովի «Ծառուկյան» խմբակցության պատգամավոր Նաիրա Զոհրաբյանը կառաջարկի լրագրողների մասնագիտական գործունեությունը խոչընդոտելու համար սահմանված պատիժը խստացնել: Պատգամավորն այս մասին հայտարարեց ՀՀ քրեական օրենսգրքում փոփոխություններ և լրացումներ կատարելու մասին օրենքի նախագծի քննարկման ժամանակ, որով առաջարկվում է բժիշկների մասնագիտական գործունեությունը խոչընդոտելու համար խիստ պատիժ սահմանել:
«Որպես նախկին լրագրող օգտվելու եմ պատգամավորի իմ իրավունքից և առաջարկելու եմ քրեական օրենսգրքում հատուկ լրագրողների գործունեությանը խոչընդոտելու համար շատ ավելի խստացված իրավական կարգավորում»,- «Արմենպրես»-ի հաղորդմամբ՝ ընդգծեց Զոհրաբյանը:
Նա հավելեց, որ իրենք կողմ են, որպեսզի քրեական օրենսգիրքն իր ողջ խստությամբ գործի բռնություն կատարածի նկատմամբ:
Բաժանորդագրվեք մեր ալիքին Telegram-ում