Կառավարությունը գյուղատնտեսության զարգացման հիմնադրամին հատկացրեց 202 մլն դրամ
15:28, 27 Հուլիս 2017
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: ՀՀ կառավարությունը նոր որոշում ընդունեց, որով կապահովվի ՀՀ գյուղատնտեսության զարգացման հիմնադրամի բնականոն գործունեությունն ու վերապահված գործառույթների իրականացումը: «Արմենպրես»-ի հաղորդմամբ, կառավարությունը որոշեց պահուստային ֆոնդից հիմնադրամին հատկացնել 202 մլն դրամ:
ՀՀ գյուղատնտեսության նախարար Իգնատի Առաքելյանը նշեց, որ հիմնադրամին վերապահված գործառույթների, մասնավորապես գյուղատնտեսական խորհրդատվական ծառայությունների մատուցման, արդյունավետ իրականացման համար անհրաժեշտ են աշխատակիցներ, գրասենյակային գույք և բնականոն գործունեությունն ապահովելու համար այլ միջոցներ:
Բաժանորդագրվեք մեր ալիքին Telegram-ում