ՄԻԵԴ-ը հրապարակել է «Այվազյանն ընդդեմ Հայաստանի» գործով վճիռը
ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ:Մարդու իրավունքների եվրոպական դատարանը մայիսի 31-ին հրապարակել է «Այվազյանն ընդդեմ Հայաստանի» գործով վճիռը, որով պարտավորեցրել է Հայաստանի Հանրապետության 15 հազար եվրո վճարել հայցվորին:
Ինչպես «Արմենպրես»-ին տեղեկացնում է ՄԻԵԴ-ի պաշտոնական կայքը, 2008 թվականի նոյեմբերի 20-ին Ռուսաստանի Դաշնության քաղաքացի Սիլվարդ Այվազյանը բողոք էր ներկայացրել՝ Մարդու իրավունքների և հիմնարար ազատությունների պաշտպանության մասին կոնվենցիայի 34-րդ հոդվածի հիման վրա:
Դիմումատուն պնդել է, որ իր եղբայրը՝Սեյրան Այվազյանը, սպանվել էր ոստիկանության աշխատակիցների կողմից Կոնվենցիայի 2-րդ հոդվածի խախտումով, ինչպես նաև հետագայում արդյունավետ հետաքննություն չի իրականացվել:
ՄԻԵԴ-ը վճռել է, որ խախտվել է Մարդու իրավունքների և հիմնարար ազատությունների պաշտպանության մասին կոնվենցիայի 2-րդ հոդվածը:
Ամբողջական վճռին կարող եք ծանոթանալ http://hudoc.echr.coe.int/eng#{"languageisocode":["ENG"],"documentcollectionid2":["JUDGMENTS"],"itemid":["001-173768"]} հղումով:
Բաժանորդագրվեք մեր ալիքին Telegram-ում