1000х90.jpg (78 KB)

Երևանում՝ 11:07,   29 Մարտ 2024

Արևելագետը Հարավային Կովկասում Իրանի քաղաքականության մեջ փոփոխությունների հեռանկար չի տեսնում

Արևելագետը Հարավային Կովկասում Իրանի քաղաքականության մեջ 
փոփոխությունների հեռանկար չի տեսնում

ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Իրանը տասնամյակներ շարունակ անց է կացնում այնպիսի քաղաքականություն, որը նպաստում է տարածաշրջանում հավասարակշռության պահպանմանը: «Արմենպրես»-ի հաղորդմամբ` մայիսի 23-ին լրագրողների հետ հանդիպման ժամանակ այս մասին ասաց Արևելագիտության ինստիտուտի տնօրեն Ռուբեն Սաֆրաստյանը:

«Իրանը շատ հավասարակշռված քաղաքականություն է իրականացնում, և այդ ուղղվածությունը կշարունակվի ապագայում՝ անկախ նրանից, թե ով է ընտրվել նախագահ»,- ընդգծեց Սաֆրաստյանը:

Նրա խոսքով` Իրանի նախագահի պաշտոնում Հասան Ռոուհանիի վերընտրվելը վկայում է այն մասին, որ Իրանի վերնախավը կողմ է ԱՄՆ-ի հետ որոշակի համագործակցության եզրեր ստեղծելուն:

«Սա նշանակում է, որ ավելի մեծ հնարավորություններ կարող են ստեղծվել Իրանի և ԱՄՆ-ի միջև փոխըմբռնման եզրեր ստեղծելու առումով: Սակայն, մյուս կողմից, ԱՄՆ նախագահ Դոնալդ Թրամփի քաղաքականությունը Իրանի հարցում  դրական հույսեր չի ներշնչում: Մասնավորապես, այն հանգամանքը, որ Սաուդյան Արաբիա այցի շրջանակներում Դոնալդ  Թրամփի ելույթը սունիական երկրների առաջնորդների առջև վկայում է այն մասին, որ  ԱՄՆ վարչակազմը փորձում է սեպ խրել սունիական և շիական հատվածների միջև և դա օգտագործել շիական Իրանի դեմ: Մտավախություն կա, որ այս քաղաքականությունը կարող է շարունակվել, և Իրանի ներկա ղեկավարության ջանքերը ԱՄՆ-ի հետ համագործակցության եզրեր գտնելու առումով ապարդյուն են»,- եզրափակեց Սաֆրաստյանը:

Մայիսի 19-ին Իրանում կայացած նախագահական ընտրությունների արդյունքում հաղթել էր գործող նախագահ Հասան Ռոուհանին: 



Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]