ՊԲ-ն հրապարակել է Ադրբեջանի կիրառած նռնականետի հետևանքով վնասված ավտոմեքենայի լուսանկարները

ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղի Հանրապետության պաշտպանության նախարարությունը տարածել է հոկտեմբերի 6-ի լույս 7-ի գիշերը Ադրբեջանի կողմից շփման գծի հյուսիսային ուղղությամբ կիրառված ՀԱՆ-17 տիպի նռնականետի արդյունքում վնասված ՊԲ ավտոմեքենայի լուսանկարները:

Ավելի վաղ ԼՂՀ պաշտպանության նախարարության մամուլի ծառայությունից «Արմենպրես»-ին տեղեկացրել էին, որ հրադադարի ռեժիմի ինտենսիվ խախտումներ են արձանագրվել շփման գծի հյուսիսային և հյուսիսարևելյան ուղղություններում: Նշված հատվածներում ադրբեջանական զինուժը կիրառել է ԴՇԿ տիպի խոշոր տրամաչափի գնդացիր (155 կրակոց) և «ԻՍՏԻԳԼԱԼ» տիպի հեռահար դիպուկահար հրացան (109 կրակոց):

Հյուսիսային ուղղությամբ հակառակորդը կիրառել է նաև ՀԱՆ-17 (հաստոցավոր ավտոմատ նռնականետ)՝ 1 արկ: