Դժբախտ պատահար Կառնուտում. անասնագոմի փլուզումից երիտասարդ է մահացել
ԳՅՈՒՄՐԻ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Շիրակի մարզի Կառնուտ գյուղում փլվել է Հարությունյաններին պատկանող անասնագոմը, պատահարի հետեւանքով զոհվել է 1981 թվականին ծնված Մկրտիչ Հարությունյանը:
Ինչպես «Արմենպրես»-ին տեղեկացրին Գյումրու բժշկական կենտրոնի հասարակայնության հետ կապերի բաժնից, սեպտեմբերի 23-ին ժամը 11:00-ին Գյումրու բժշկական կենտրոն է ընդունվել երկու մարդ:
Կենտրոն տեղափոխվածներից մեկը՝ 1981 թվականին ծնված Մկրտիչ Հարությունյանը, մահացել է մինչեւ հիվանդանոց հասցնելը, մի փոքր ուշ հիվանդանոց է տեղափոխվել նաեւ Մկրտչի հայրը՝ 1941 թվականին ծնված Տարոն Հարությունյանը: Նա ստացել է գլխուղեղի եւ ողնաշարի բազմաթիվ վնասվածքներ: Այս պահին նրան շարունակում են բժշկական օգնություն ցույց տալ:
Ինչպես տեղեկացրին հարազատները՝ պատահարի ժամանակ հայր ու որդի աշխատելիս են եղել անասնագոմի տանիքի վրա:
Բաժանորդագրվեք մեր ալիքին Telegram-ում