Քննարկվում է որպես պատանդ մնացած ոստիկանների ազատ արձակման հարցը. ԱԱԾ
12:53, 23 Հուլիս 2016
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Ոստիկանության ՊՊԾ գնդում գտնվող զինված խմբի անդամները կամովի արդեն ազատ են արձակել երկու շարքային ոստիկանի: Տեղեկատվությունն «Արմենպրես»-ի հետ զրույցում նշեց ՀՀ Ազգային անվտանգության ծառայության մամուլի կենտրոնի պետ Սամսոն Գալստյանը:
«Բանակցային գործընթացը շարունակվում է: Քննարկվում են դեռևս որպես պատանդ մնացած մյուս երկու ոստիկանների ազատ արձակման, ինչպես նաև վերջին օրերին բանակցությունների առարկա հանդիսացող այլ հարցեր: Այս պահին այլ տեղեկատվություն չեմ կարող հրապարակել»,-ասաց Սամսոն Գալստյանը:
Բաժանորդագրվեք մեր ալիքին Telegram-ում