Թուրքիան ՆԱՏՕ-ի նավերին թույլ չի տվել մտնել իր ջրային տարածք

ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Թուրքիան ՆԱՏՕ-ի նավերին թույլ չի տվել մտնել Էգեյան ծովում իր ջրերը: Դաշինքի առաքելությունը կայանում էր Թուրքիայից Հունաստան եւ հետո եվրոպական այլ երկրներ ուղեւորվող անօրինական միգրանտներով նավակներին բռնելը:

Այս մասին, ինչպես հաղորդում է «Արմենպրես»-ը, հայտնում է France Presse լրատվական գործակալությունը:

Այս տեղեկատվությունը ֆրանսիական գործակալությանը հաստատել են Բրյուսելում մի քանի դիվանագիտական աղբյուրներ:

Նրանցից մեկի խոսքով` Հյուսիսատլանտյան պայմանագրի դաշինքի կազմակերպության առաքելության նկատմամբ Անկարայի դիրքորոշման մասին հայտնի է եղել սկզբից:

Թուրքիան համառում է այն բանում, որպեսզի նավերի տեղակայման շրջանները որոշելու համար ՆԱՏՕ-ի ծովային խմբավորման գերմանացի հրամանատար Յորգ Կլայնը ժամանի Անկարա, ինչը դաշինքը հրաժարվում է կատարել: