ԱԺ քառօրյա. խորհրդարանը քննարկում է Հեռուստառադիոընկերության գործունեության հաշվետվությունը. ՈՒՂԻՂ

ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ազգային ժողովում մեկնարկել է խորհրդարանական քառօրյա նիստի չորրորդ օրվա աշխատանքը: «Արմենպրես»-ի հաղորդմամբ՝ գրանցվել է 102 պատգամավոր:Նրանք կշարունակեն քննարկել Հանրային հեռուստառադիոընկերության 2014թ. գործունեության հաշվետվությունը:

Հոկտեմբերի 7-ի նիստում պատգամավորները քննարկել են ՀՀ Կենտրոնական բանկի 2015թ. դրամավարկային քաղաքականության ծրագիրը, որը պատգամավորների քննարկմանն է ներկայացրել ՀՀ ԿԲ նախագահի տեղակալ Ներսես Երիցյանը: Հարցի քննարկումից հետո ՀՀ ԱԺ փոխնախագահ Էդուարդ Շարմազանովը հայտնել է, որ ԱԺ-ն ԿԲ 2015թ. դրամավարկային քաղաքականության ծրագիրն ընդունել է ի գիտություն:

Այնուհետև պատգամավորները քննարկել են Հանրային հեռուստառադիոընկերության 2014թ. գործունեության հաշվետվությունը: Նիստն ընդհատվել է հարակից զեկուցող ԱԺ պատգամավոր Ռուբիկ Հակոբյանին հարցեր տալու փուլում: