ԱԺ քառօրյա. սպասվում են նորություններ Գագիկ Ծառուկյանին մանդատից զրկելու հարցում. ՈՒՂԻՂ
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Ազգային ժողովում մեկնարկեց խորհրդարանական հերթական քառօրյան: «Արմենպրես»-ի հաղորդմամբ՝ գրանցվել է 113 պատգամավոր: ԱԺ յոթերորդ նստաշրջանի օրակարգում լրացումներ կատարելու մասին որոշման նախագծում ընդգրկվել է 7 հարց: ԱԺ առաջիկա քառօրյա նիստերի օրակարգի որոշման նախագծում ընդգրկվել են 134 հարց, 34 միջազգային պայմանագիր:
Հինգերորդ գումարման ԱԺ յոթերորդ նստաշրջանի օրակարգում լրացումներ կատարելու մասին եւ փետրվարի 23-26 -ի ԱԺ չորսօրյա նիստերի օրակարգի մասին որոշումների նախագծերի քվեարկությունը տեղի կունենա Ազգային ժողովի փետրվարի 23-ի նիստում:
Բացի այդ, սպասվում է, որ փետրվարի 23-ի նիստի ընթացքում տեղեկություններ կլինեն ԲՀԿ առաջնորդ Գագիկ Ծառուկյանին մանդատից զրկելու վերաբերյալ: ՀՀԿ ԳՄ վերջին նիստից հետո լրագրողների հետ հանդիպմանը ԱԺ փոխնախագահ Հերմինե Նաղդալյանը հայտնել էր, որ Ծառուկյանին մանդատից զրկելու վերաբերյալ նորութուններ կլինեն ԱԺ առաջիկա քառօրյայի ընթացքում:
Բաժանորդագրվեք մեր ալիքին Telegram-ում