«Օզ երկրի կախարդը» ճանաչել են Հոլիվուդի ամենաազդեցիկ ֆիլմը

ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Իլինոյսի հյուսիսարեւմտյան համալսարանի գիտնականները նշել են Հոլիվուդի այն տասը ֆիլմերը, որոնք, իրենց հետազոտության արդյունքներով՝ ամենամեծ ազդեցությունն են գործել կինեմատոգրաֆի զարգացման վրա, հաղորդու Է «Արմենպրես»-ը՝ հղում անելով The Guardian-ին: Առաջին տեղում Է Վիկտոր Ֆլեմինգի «Օզ երկրի կախարդը» կինոնկարը, որը թողարկվել Է 1939 թվականին՝ գլխավոր դերում Ջուդի Գառլենդի մասնակցությամբ:

Ինչպես նշել Է հրատարակությունը, իրենց աշխատանքում գիտնականները հիմնվել են ավելի ուշ ֆիլմերում դասական կինոժապավենների հիշատակումների վրա, որոնք նկարահանվել են օրիգինալների Էկրան բարձրանալուց առնվազն 25 տարի անց: Ըստ որում «Օզ երկրի կախարդը» հավաքել Է 565 նման մեջբերում: Երկրորդ հորիզոնականում հայտնվել Է Ջորջ Լուկասի «Աստղային պատերազմներ. Նոր Հույսը»՝ 297 մեջբերումներով: Երրորդ տեղն զբաղեցրել Է Ալֆրեդ Հիչքոկի «Պսիխո» սարսափանկարը՝ 241 մեջբերում:

Տասն ամենաազդեցիկ ֆիլմերը.

1. «Օզ երկրի կախարդը»(1939 թվական, ռեժիսոր Վիկտոր Ֆլեմինգ) – 565 մեջբերում
2. «Աստղային պատերազմներ. Նոր հույս» (1977 թվական, ռեժիսոր Ջորջ Լուկաս) – 297 մեջբերում
3. «Պսիխո» (1960 թվական, ռեժիսոր Ալֆրեդ Հիչքոկ) – 241 մեջբերում
4. «Կասաբլանկա» (1942 թվական, ռեժիսոր Մայքլ Քյորտիս) – 212 մեջբերում
5. «Քամուց քշվածները» (1939 թվական, ռեժիսոր Վիկտոր Ֆլեմինգ) – 198 մեջբերում
6. «Քինգ-Քոնգ» (1933 թվական, ռեժիսորներ Մերիան Քուպեր եւ Էռնստ Շոդսակ) – 191 մեջբերում
7. «Ֆրանկենշտայն» (1931 թվական, ռեժիսոր Ջեյմս Ուեյլ) – 170 մեջերում
8. «Կնքահայրը» (1972 թվական, ռեժիսոր Ֆրենսիս Ֆորդ Քոպպոլա) – 162 մեջբերում
9. «Քաղաքացի Քեյնը» (1941 թվական, ռեժիսոր Օրսոն Ուելս) – 143 մեջբերում

«2001 թվականի տիեզերական ոդիսականը» (1968 թվական, ռեժիսոր Սթենլի Քուբրիկ) – 143 մեջբերում, հաղորդել Է Lenta.ru-ն: