368.26
Հայաստանի ռուսական ռազմակայանի դպրոցը նշում Է 20-ամյակը
2 րոպեի ընթերցում
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանում Ռուսաստանի պաշտպանության նախարարության դպրոցը սեպտեմբերի 1-ին նշում է ՀՀ-ում ռուսական ռազմակայանի զինծառայողների երեխաների համար ուսումնական հաստատության հիմնադրման 20-ամյա հոբելյանը: Գիտելիքի օրը հոբելյանի կապակցությամբ զորամասի հրամանատարությունը դպրոցականների համար կազմակերպել Էր նոր մարզահամալիրի բացումը եւ նորոգման-վերականգնողական աշխատանքներից հետո ուսումնական նոր հարկաբաժինների ու դասարանների ցուցադրումը: Համալիրը հանդերձված Է նոր վարժասարքերով, մարզական գույքով ու խաղահրապարակներով: Այսօր այդ հաստատությունն իրավամբ լավագույններից մեկն է համարվում Գյումրիում:
20 տարի առաջ աշակերտները ոտք դրեցին քաղաքի թիվ 19 նորակառույց դպրոց: Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից, հանդիսավոր միջոցառմանը հրավիրված Էին ռազմակայանի հրամանատարությունը, դիվանագիտական կորպուսի, վարչակազմի ներկայացուցիչները, վետերաններ, ծնողներ, առաջին դասարանցիներ եւ 1994 թվականի շրջանավարտներ: Նրանք հիշել են համադասարանցիների մասին, ջերմ խոսքեր ասել ուսուցիչների հասցեին: Տարբեր տարիների շրջանավարտներից շատերը միջոցառմանը եկել Էին իրենց երեխաների հետ:
Ուսումնական տարվա սկսվելու կապակցությամբ բոլոր հավաքվածներին շնորհավորել են դպրոցի տնօրեն Կարինե Գրիգորյանը եւ տոնական հանդեսի հյուրերը:
Գյումրիի զինվորական կայազորում Ռուսաստանի պաշտպանության նախարարության ուսումնական հաստատությունում տարեկան ուսուցում են անցնում ռազմակայանի զինծառայողների, քաղաքացիական անձնակազմի եւ զորացրումից հետո Հայաստանում ապրելու ցանկություն հայտնած զինվորական թոշակառուների 600-ից ավելի երեխաներ:
Բաժանորդագրվեք մեր ալիքին Telegram-ում