Երևանում՝ 11:07,   22 Ապրիլ 2024

Ֆրանսիան անհրաժեշտության դեպքում պատրաստ է նաև տարբեր հեռահարության հրթիռներ տրամադրել Հայաստանին

Ֆրանսիան անհրաժեշտության դեպքում պատրաստ է նաև տարբեր 
հեռահարության հրթիռներ տրամադրել Հայաստանին

ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ։ Ֆրանսիայի զինված ուժերի նախարար Սեբաստիեն Լըկորնյուն հայտարարեց, որ ոչ ոք չի կարող քննադատել Հայաստանին բանակի կարողությունները զարգացնելու համար։

Ինչպես տեղեկացնում է «Արմենպրես»-ը, մամուլի ասուլիսի ժամանակ Ֆրանսիայի պաշտպանության նախարարը նշեց, որ Հայաստանն ու Ֆրանսիան շարունակելու են զարգացնել համագործակցությունը ռազմական ոլորտում։

Նա հիշեցրեց, որ Հայաստանի պաշտպանության նախարար Սուրեն Պապիկյանի՝ Փարիզ կատարած այցի ժամանակ ստորագրել են Հայաստանի կողմից սպառազինության ձեռքբերման փաստաթղթեր։

Նախարարը նշեց, որ Ֆրանսիայի կողմից  Հայաստանին տրամադրվող սպառազինությունը պաշտպանական նշանակություն ունի՝ շեշտելով, որ կարևոր է և՛ Հայաստանի բնակչության, և՛ սահմանների պաշտպանվածության ապահովումը։

Լըկորնյուն հիշեցրեց, որ Հայաստանի հետ ստորագրված փաստաթղթերը ենթադրում են նաև ՀՀ-ին ՀՕՊ համակարգերի մատակարարում։ 

«Ոչ ոք չի կարող քննադատել Հայաստանին բանակի կարողությունները զարգացնելու համար։ Եթե Հայաստանը կարիք ունենա, կարճ, միջին և երկար հեռահարության հրթիռները նույնպես մաս կկազմեն պաշտպանական կարողությունների զարգացմանը»,- ավելացրեց նախարարը։

Նա ընդգծեց, որ Հայաստանի զինված ուժերի զարգացման տեսակետից կարևոր բաղադրիչ է նաև վերապատրաստումը ։

Նախարարը հավելեց, որ հայկական զինված ուժերի վերապատրաստման վերաբերյալ ևս փաստաթուղթ են ստորագրել, որի շրջանակներում Ֆրանսիայում վերապատրաստում կանցնեն ՀՀ ԶՈՒ սպաները։

«Ֆրանսիայի ռազմական դպրոցները ձեր տրամադրության տակ են, որպեսզի կրթեք սպայական անձնակազմը։ Մենք շատ արագ սկսելու ենք վերապատրաստման բոլոր գործընթացները»,- ընդգծեց Ֆրանսիայի զինված ուժերի նախարարը։

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]