387.58
Ֆրանսիայի թեմի առաջնորդանիստ եկեղեցում Սուրբ Ծննդյան և Աստվածահայտնության տոնի Սուրբ պատարագ է մատուցվել
1 րոպեի ընթերցում
ԵՐԵՎԱՆ, 7 ՀՈՒՆՎԱՐԻ, ԱՐՄԵՆՊՐԵՍ: Հայ Առաքելական Եկեղեցու Ֆրանսիայի թեմի առաջնորդանիստ Սուրբ Հովհաննես Մկրտիչ եկեղեցում (Փարիզ) Սուրբ Ծննդյան և Աստվածահայտնության տոնի առթիվ հունվարի 6-ին թեմի առաջնորդ Հայր Գրիգոր Վարդապետ Խաչատրյանի նախագահությամբ մատուցվել է Սուրբ պատարագ և կատարվել է Ջրօրհնեքի արարողություն։
«Արմենպրես»-ի հաղորդմամբ՝ Ֆրանսիայում Հայաստանի դեսպանության «Ֆեյսբուք»-ի էջը տեղեկացնում է, որ Սուրբ պատարագին և Ջրօրհնեքի արարողությանը ներկա էին Ֆրանսիայում ՀՀ դեսպանության անձնակազմը, Ֆրանսահայոց թեմի բազմաթիվ հավատավորներ։
