ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Հունգարիայի վարչապետ Վիկտոր Օրբանը, որը դեմ է Եվրամիությանն Ուկրաինայի անդամակցությանը, Բուենոս Այրեսում կարճատև հանդիպում է ունեցել Ուկրաինայի նախագահ Վլադիմիր Զելենսկիի հետ։ «Արմենպրես»-ի փոխանցմամբ՝ երկու քաղաքական գործիչներն էլ այնտեղ են եղել Արգենտինայի նախագահ Խավիեր Միլեյի երդմնակալության արարողությանը։

Վլադիմիր Զելենսկին դեկտեմբերի 10-ի երեկոյան տեսաուղերձում Հունգարիայի վարչապետի հետ զրույցն անվանել է «անկեղծ»։

«Դա շատ անկեղծ զրույց էր, որը կենտրոնացած էր մեր եվրոպական հարցերի շուրջ», - ասել է Զելենսկին։

Համացանցում տարածվել է երկու ղեկավարների՝ բավական աշխույժ զրույցի տեսանյութը։

Zelensky and Orban having an animated chat on the sidelines in Argentina a week before the European Council is to decide on opening accession negotiations with Ukraine, which the Hungarian PM has been against. 
pic.twitter.com/RomW6tLfkC

— Christopher Miller (@ChristopherJM) December 10, 2023

Այս շաբաթ Եվրոպական խորհուրդը պետք է քննարկի ԵՄ-ին անդամակցության շուրջ Կիևի հետ բանակցություններ մեկնարկելու հարցը, ինչին Օրբանը դեմ է արտահայտվել։