Նիդերլանդների արտգործնախարարը խոսել է Բայրամովի հետ և կոչ արել երաշխավորել ԼՂ հայերի իրավունքներն ու անվտանգությունը
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ։ Նիդերլանդների արտգործնախարար Հանկե Բրայնս Շլոթը դատապարտել է Ադրբեջանի հարձակումը Լեռնային Ղարաբաղի վրա և կոչ արել երաշխավորել տարածաշրջանի բնակչության իրավունքներն ու անվտանգությունը։ «Արմենպրես»-ի փոխանցմամբ՝ այս մասին նա գրառում է կատարել X-ի իր միկրոբլոգում։
«Քիչ առաջ խոսեցի (խմբ․՝ Ադրբեջանի) արտգործնախարար Ջեյհուն Բայրամովի հետ։ Նիդերլանդները միանում է ԵՄ-ին՝ դատապարտելով Լեռնային Ղարաբաղում Ադրբեջանի ռազմական գործողությունը և դրա հետևանքով տեղի ունեցած կյանքերի կորուստը։ Մենք կոչ ենք անում արդարացի վերաբերմունք դրսևորել Ղարաբաղի հայերի նկատմամբ՝ երաշխավորելով նրանք իրավունքներն ու անվտանգությունը», - գրել է Շլոթը։
Just spoke with Foreign Minister @Bayramov_Jeyhun. The Netherlands joins the EU in condemning the Azerbaijani military operation in #NagornoKarabakh, and the resulting loss of life. We call for just treatment of Karabakh Armenians, guaranteeing their rights and security. 1/2
— Hanke Bruins Slot (@HankeBruinsSlot) September 21, 2023
Նա նաև Բաքվին կոչ է արել՝ թույլ տալ հումանիտար մատակարարումներ Արցախի բնակչությանը։
«ԵՄ այլ անդամների հետ միասին մենք Բաքվին կոչ ենք անում թույլ տալ անհապաղ և անխոչընդոտ հումանիտար մատակարարումներ Լեռնային Ղարաբաղի բնակչությանը», - հավելել է Նիդերլանդների արտգործնախարարը։
Բաժանորդագրվեք մեր ալիքին Telegram-ում