Ըմբիշ Արման Անդրիասյանը դարձավ աշխարհի առաջնության բրոնզե մեդալակիր
21:23, 17 Սեպտեմբեր 2023
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ազատ ոճի ըմբշամարտի հավաքականի անդամ Արման Անդրիասյանը դարձավ աշխարհի առաջնության բրոնզե մեդալակիր:
«Արմենպրես»-ի հաղորդմամբ` Սերբիայի մայրաքաղաք Բելգրադում ընթացող աշխարհի առաջնության 70 կգ քաշային կարգի բրոնզե մեդալի համար գոտեմարտում Անդրիասյանը մրցեց հնդիկ Աբհիմանյուի հետ և գերազանցեց նրան 12:1 հաշվով: Անդրիասյանն առաջին մեդալն է նվաճում աշխարհի առաջնությունում:
Հայաստանի հավաքականի անդամ Արսեն Հարությունյանը սեպտեմբերի 18-ին կգոտեմարտի աշխարհի առաջնության բրոնզե մեդալի համար:
Բաժանորդագրվեք մեր ալիքին Telegram-ում