Հայաստանը հերքում է ականների տեղադրման վերաբերյալ Բաքվի մեղադրանքները
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ։ Հայաստանի հատուկ հանձնարարություններով դեսպան Էդմոն Մարուքյանն անդրադարձել է Ադրբեջանի նախագահի օգնական Հիքմեթ Հաջիևի հրապարակմանը, թե, Հայաստանը իբր շարունակում է «ականապատման տեռորը»։
«Արմենպրես»-ի փոխանցմամբ՝ Մարուքյանը ընդգծել է, որ մինչ օրս հայկական կողմերը ձեռնարկել են բոլոր անհրաժեշտ քայլերը վստահության ամրապնդման համատեքստում, այդ թվում՝ փոխանցել են ականների բոլոր քարտեզները Ադրբեջանին։
Till today, the Armenian parties have taken all the necessary steps, in the context of confidence building, including handing over all the landmine maps to Azerbaijan, but in response, Azerbaijan continues to make false accusations about ongoing installation of minefields and… pic.twitter.com/QZ1fQtGjFe
— Edmon Marukyan (@edmarukyan) August 15, 2023
«Սակայն դրան ի պատասխան Ադրբեջանը շարունակում է կեղծ մեղադրանքներ հնչեցնել ականների շարունակական տեղադրման վերաբերյալ և, հակառակ պայմանավորվածությունների, որպես վստահության ամրապնդման միջոց՝ նույնիսկ ազատ չի արձակել իր բանտերում պահվող ռազմագերիներին և այլ անձանց:
Ադրբեջանը պարբերաբար հարձակվում և օկուպացնում է Հայաստանի ինքնիշխան տարածքի տարբեր հատվածներ, խախտում է նոյեմբերի 9-ի հիմնարար պարտավորությունները և լիակատար շրջափակման մեջ է պահում Լեռնային Ղարաբաղի ժողովրդին:
Ավելի լավ կլինի, եթե Հիքմեթ Հաջիևը դադարեցնի ստի այս արշավը, քանի որ այն որևէ կերպ չի կարող շեղել միջազգային հանրության ուշադրությունը Ադրբեջանի կողմից իրականացվող էթնիկ զտումների քաղաքականության թեմայից»,- X-ի (նախկինում «Թվիթեր») իր միկրոբլոգում գրել է Էդմոն Մարուքյանը։
Բաժանորդագրվեք մեր ալիքին Telegram-ում