Երևանում՝ 11:07,   24 Մայիս 2024

Արման Եղոյանն ընդունել է Հունաստանի խորհրդարանի պատվիրակությանը

Արման Եղոյանն ընդունել է Հունաստանի խորհրդարանի պատվիրակությանը
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Եվրոպական ինտեգրման հարցերի մշտական հանձնաժողովի նախագահ Արման Եղոյանն այսօր՝ նոյեմբերի 28-ին ընդունել է Հունաստանի խորհրդարանի պատգամավորներին: «Արմենպրես»-ն այս մասին տեղեկանում է խորհրդարանի կայքից:
«Դուք Հայաստանում եք մեզ համար շատ դժվար ժամանակաշրջանում: Հայաստանը կանգնած է տարածաշրջանային մարտահրավերների առջև»,-ողջունելով հյուրերին ասել է Եղոյանը:
Արման Եղոյանը ներկայացրել է իրավիճակը Հայաստանում և Արցախում, անդրադարձել սահմանային լարվածությանը, խոսել Հայաստան-Թուրքիա հարաբերությունների կարգավորման գործընթացից: Նա կարեւորել է աշխարհաքաղաքական դժվարին ժամանակներում սերտ եւ արդյունավետ փոխհարաբերությունների զարգացման անհրաժեշտությունը:
Հունաստանի խորհրդարանի պատգամավորներ Պերիկլիս Մանտասը, Անաստասիոս Բարձոկասը և Կոնստանտինոս Զախարիադիսը շնորհակալություն հայտնելով ջերմ ընդունելության համար կարևորել են Հայաստանի հետ հարաբերությունների սերտացումը:
Հանդիպմանը մասնակցել են նաև Եվրոպական ինտեգրման հարցերի մշտական հանձնաժողովի անդամներ Սոնա Ղազարյանը և Արսեն Թորոսյանը:

Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am