Ժամանակը Երևանում՝ 11:07:36,   25 Հունիս 2022

ԵԱ-Երևան. Հովհաննես Բաչկովը հաղթանակով մեկնարկեց

ԵԱ-Երևան. Հովհաննես Բաչկովը հաղթանակով մեկնարկեց

ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Հայաստանի բռնցքամարտի հավաքականի անդամ, Օլիմպիական խաղերի բրոնզե մեդալակիր Հովհաննես Բաչկովը հաղթանակով մեկնարկեց Երևանում ընթացող Եվրոպայի առաջնությունում:

«Արմենպրես»-ի հաղորդմամբ`Կարեն Դեմիրճյանի անվան մարզահամերգային համալիրում ընթացող առաջնության մրցումային չորրորդ օրը պայքարի մեջ մտած 63,5 կգ քաշային Հովհաննես Բաչկովի անդրանիկ մրցակիցը Անգլիայից Ժոզեֆ Թաերսnն էր: Հայ բռնցքամարտիկը հաղթեց 5:0 հաշվով:

Ցերեկային մրցահերթում 67 կգ քաշային Գուրգեն Մադոյանը կմրցի Ֆինլանդիան ներկայացնող Կարլ Բենջամին Էրիկսոնի հետ: Գերծանր քաշում պայքարի մեջ կմտնի աշխարհի փոխչեմպիոն Դավիթ Չալոյանը: Նրա մրցակիցը Բոսնիա և Հերցեգովինայից Ժուրաժ Սոլդոն է:

Իսկ երեկոյան մրցափուլում 92 կգ քաշային Նարեկ Մանասյանի առաջին մրցակիցը կլինի Սլովակիայից Դավիթ Միքալեկը:

Բռնցքամարտի Եվրոպայի առաջնության մրցումային երրորդ օրը Հայաստանն ուներ երեք ներկայացուցիչ: Իր երկրորդ մենամարտում պարտություն կրեց 75 կգ քաշային Վախթանգ Հարությունյանը, հաղթանակ տոնեց Ռաֆայել Հովհաննիսյանը (86 կգ), իսկ 60 կգ քաշային Կարեն Տոնականյանը պարտություն կրեց մեկնարկային մենամարտում:

Մինչ այս պայքարից դուրս էին մնացել Ջանիկ Սահակյանը (54 կգև Նարեկ Զախարյանը (71կգ):








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]