Ժամանակը Երևանում՝ 11:07:36,   30 Հունիս 2022

ՀՀ ՍԱՏՄ-ն ամփոփել է թռչնամիս արտադրողների մոտ անասնահամաճարակային մշտադիտարկման արդյունքները

ՀՀ ՍԱՏՄ-ն ամփոփել է թռչնամիս արտադրողների մոտ անասնահամաճարակային 
մշտադիտարկման արդյունքները

ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: ՀՀ սննդամթերքի անվտանգության տեսչական մարմինը երկրում գործող թռչնաֆաբրիկաներում տիրող իրավիճակը պարզելու նպատակով անասնահամաճարակային մշտադիտարկումը է իրականացրել Հայաստանի թռչնամիս արտադրող գրեթե բոլոր խոշոր ընկերություններում: Այս մասին «Արմենպրես»-ին տեղեկացրին ՀՀ սննդամթերքի անվտանգության տեսչական մարմնից։

««Վլադ Հակոբյանի անվան համակցված կերերի գործարան», «ԱՐԱՔՍ թռչնաֆաբրիկա» ՓԲ, «Արզնու տոհմային ԹԹԽ» ԲԲ, «Սյունիքի թռչնաֆաբրիկա», «Անի Ձու», «Ագրո Բիո պրոդուկտ», «Պռոեկտ Ինտեր Ինվեստ», «Արարատ», «Սպիտակի թռչնաբուծական ֆաբրիկա», «Արամուս», «Լուսակերտի Էլիտ», «Նավասարդ Ագրո», «ՀԱԳԱ», «ՍԱՆՓԱՈՒԵՐ», «Գնդևազ Փարմ», «Ոսկե ձու», «ՄՅԱՍ», «Վարանդ Գրուպ», «Գնթունիկ» և «Աշտարակ ձու» ՍՊ ընկերություններում, ինչպես նաև անհատ ձեռնարկատերեր Միքայել Ղևոնդյանի, Արամայիս Գրիգորյանի, Ջանիկ Գյորգյանի, Հովհաննես Գրեյանի, Վախթանգ Գրիգորյանի, Կորյունի Մարգարյանի, Արթուր Հարությունյան մոտ ուսումնասիրություն է կատարվել սանիտարահիգիենիկ նորմերի պահպանման, պահեստների, սառնարանային խցիկների՝ ջերմախոնավային ռեժիմի ապահովման համար անհրաժեշտ սարքերով և սարքավորումներով ապահովված լինելու, մակնշման ու փաթեթավորման՝ իրավական սահմանված նորմերին համապատասխանության, ինչպես նաև՝ սպանդնոցային մորթն ապահովելու շրջանակներում»,- ասվում է հաղորդագրության մեջ:

Ըստ աղբյուրի՝ արձանագրվել է, որ այս ընկերություններում պատշաճորեն ապահովվել է սպանդանոցային մորթը և թռչնամիսը իրացման ցանց է հասնում դրա սպանդանոցային ծագումը հաստատող Ձև 5 փաստաթղթի ուղեկցությամբ: Սանիտարահիգիենիկ նորմերն ու պահեստների, սառնարանային խցիկների՝ ջերմախոնավային ռեժիմները համապատասխանել են սահմանված նորմերին:

Որոշակի թերացումներ են հայտնաբերվել մակնշման ու փաթեթավորման գործընթացում, որոնք տեղում շտկվել են:

«Մոնիթորինգի շրջանակներում ուսումնասիրվել են նաև թռչնի կերերը, որոնց նմուշները ներկայացվել են լաբորատոր փորձաքննության: Արդյունքները կհրապարակվեն»,- հայտնում են ՀՀ ՍԱՏՄ-ից:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]