391.59
Կապանի և Գորիսի բժշկական կենտրոնները կհամալրվեն շտապօգնության հավելյալ ամենագնաց մեքենաներով
1 րոպեի ընթերցում
ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ։ Կապանի և Գորիսի բժշկական կենտրոնները կհամալրվեն հավելյալ շտապօգնության ամենագնաց մեքենաներով։
Ինչպես տեղեկացնում է «Արմենպրես»-ը, լրագրողների հետ զրույցում այս մասին հայտնեց Առողջապահության նախարար Անահիտ Ավանեսյանը։ Նրա խոսքով՝ Առողջապահության նախարարության թիմը եղել է Սյունիքի մարզի սահմանամերձ համայնքներում, իրականացրել է ուսումնասիրություններ և գնահատել կարիքները։
«Այս համայնքները ամբողջովին կապահովվեն առաջին օգնության բոլոր պարագաներով։ Ե´վ Կապանի բժշկական կենտրոնը, և´ Գորիսի բժշկական կենտրոնը կունենան հավելյալ շտապօգնության ամենագնաց մեքենաներ։ Դրանք արդեն իսկ տրամադրվել են և լրացուցիչ նույնպես կտրամադրվեն։ Տվյալ համայնքների բնակիչների առողջության սպասարկումը ևս կապահովենք»,- ընդգծեց Ավանեսյանը։
Բաժանորդագրվեք մեր ալիքին Telegram-ում