398.94
44-օրյա պատերազմի հանգամանքները պարզաբանումը հանրային հստակ և աներկբա պահանջ է. Վարչապետ
1 րոպեի ընթերցում
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Արցախյան 44-օրյա պատերազմի հանգամանքները ուսումնասիրելու համար Ազգային ժողովում կստեղծվի քննիչ հանձնաժողով:
Ինչպես տեղեկացնում է «Արմենպրես»-ը, Ազգային ժողովի ամբիոնից այս մասին հայտարարեց ՀՀ վարչապետ Նիկոլ Փաշինյանը:
«2020 թվականի 44-օրյա պատերազմի հարվածը առաջին հերթին իր վրա ընդունեց մեր բանակը: Գլուխ խոնարհելով մեր բոլոր զոհերի, մեր բոլոր հերոսների առաջ՝ պետք է արձանագրեմ, որ 44-օրյա պատերազմի հանգամանքները պարզաբանելը հանրային հստակ և աներկբա պահանջ է: Արդեն իսկ խոսել ենք դրա մասին, որ պատերազմի հանգամանքները ուսումնասիրելու համար Ազգային ժողովում կստեղծվի քննիչ հանձնաժողով: Այս առումով պետք է ընդգծեմ ինչպես արտախորհրդարանական ուժերի ներկայացուցիչների, այնպես էլ պատերազմի զոհերի և գտնվելու վայրը անհայտ անձանց հարազատների ներկայացուցիչներին հանձնաժողովի աշխատանքներում ներգրավելու կարևորությունը»,- ասաց Փաշինյանը:
ՀՀ վարչապետն ընդգծեց, որ 44-օրյա պատերազմի հանգամանքներ ասելով պետք չէ նկատի ունենալ միայն ռազմական ասպեկտը: Հարցը ունի բազմաթիվ շերտեր` արտաքին քաղաքականությունից մինչև սոցիալ-հոգեբանական:
Բաժանորդագրվեք մեր ալիքին Telegram-ում