Ժամանակը Երևանում՝ 11:07:36,   15 Հունիս

Ապաստարանների հետ կապված որոշ խնդիրներ կան. աշխատանքներ են տարվում Քաղաքաշինության կոմիտեի հետ. ԱԻՆ նախարար

Ապաստարանների հետ կապված որոշ խնդիրներ կան. աշխատանքներ են տարվում 
Քաղաքաշինության կոմիտեի հետ. ԱԻՆ նախարար

ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը Քաղաքաշինության կոմիտեի հետ համատեղ աշխատում է ապաստարաններին վերաբերող ծրագրի շուրջ:

«Արմենպրես»-ի հաղորդմամբ՝ այս մասին ՀՀ արտակարգ իրավիճակների նախարար Անդրանիկ Փիլոյանն ասաց լրագրողների հետ զրույցում:

«Ապաստարանների հետ կապված մեր երկրում ունենք որոշակի խնդիրներ: Այդ ուղղությամբ աշխատանքները դեռևս շարունակվում են: Շատ վաղուց, երկար տարիներ շարունակ բազմաբնակարան շենքերի նկուղային հարկերը բնակիչների կողմից գուցե նաև անօրինական կերպով սեփականաշնորհվել են, և մենք չենք կարողանում դրանք օգտագործել։ Պարապմունքների, ուղղակի ստուգումների ժամանակ Տեղական ինքնակառավարման մարմինների հետ կարողանում ենք գտնել այդ նկուղների սեփականատերերին, բացենք դուռը և այդ տարածքը բերենք աշխատանքային վիճակի: Եթե իրականում որոշակի անհրաժեշտություն լինի, ապա այդ ուղղությամբ մենք կունենանք խնդիրներ»,- նշեց նախարարը:

Հարցին, թե ինչ ելք է տեսնում այս ամենի համար, Փիլոյանը պատասխանեց, որ այժմ այդ ուղղությամբ աշխատում են Քաղաքաշինության կոմիտեի հետ:

Նրա խոսքով՝ ծրագրեր են մշակվում, որպեսզի հետագայում կառուցվելիք շենք-շինություններն ունենան նկուղային հարկեր, որոնք կօգտագործվեն ոչ թե բնակչության կողմից սեփական նպատակների համար, այդ որպես ապաստարաններ կամ պատսպարաններ:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ