Տնտեսություն

ՏՄՊՊՀ-ն ուսումնասիրում է բենզինի գնի բարձրացման հետ կապված հարցը

1 րոպեի ընթերցում

ՏՄՊՊՀ-ն ուսումնասիրում է բենզինի գնի բարձրացման հետ կապված հարցը

ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Տնտեսական մրցակցության պաշտպանության պետական հանձնաժողովը ուսումնասիրում է բենզալցակայաններում բենզինի գնի և Հայաստան ներմուծվող խմբաքականակների հետ կապված հարցերը:

Ինչպես տեղեկացնում է«Արմենպրես»-ը, մարտի 29-ին լրագրողների հետ ճեպազրույցումայս մասինասաց ՏՄՊՊՀ նախագահ Գեղամ Գևորգյանը:

«Բենզինի որակի հետ կապված միանգամից ասեմ, որ որևէ գործառույթ չենք իրականացնում, բայց տեսչական մարմնի մեր գործընկերների հետ հանդիպել ենք, և եթե լաբորատոր անալիզ իրականացնեն և տեսնեն, օրինակ, 92, 93 տեսակի բենզինը չի համապատասխանում իրականությանը, անբարեխիղճ մրցակցության դրույթները կսկսենք կիրառել»,- ասաց Գևորգյանը:

ՏՄՊՊՀ նախագահը հայտնեց, որ շուտով բենզալցակայաններին կտրամադրվեն տարաներ, որպեսզի քաղաքացիները ստուգեն բենզինի քանակը, եթե ունեն կասկածներ:

Գևորգյանը հիշեցրեց, որ համաշխարհային շուկայում բենզինի գինը էականորեն բարձրացել է:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում