1000х90.jpg (78 KB)

Երևանում՝ 11:07,   29 Մարտ 2024

Նիկոլ Փաշինյանն անդրադարձել է դավաճանության մեղադրանքներին

Նիկոլ Փաշինյանն անդրադարձել է դավաճանության մեղադրանքներին

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը մարտի 20-ին Ուջան համայնքի բնակիչների հետ հանդիպման ժամանակ անդրադարձել է իրեն դավաճանության մեջ մեղադրողների հայտարարություններին: Ինչպես տեղեկացնում է «Արմենպրես»-ը, Փաշինյանն ընդգծել է, որ պատերազմը դադարեցրել են այն ժամանակ, երբ շարունակելն այլևս իմաստ չուներ:

«5 ամիս շատ-շատ մարդիկ և ամենատարբեր շրջանակներ ինձ կոնկրետ մեղադրում են դավաճանության մեջ: Շատ կարևոր է մի հարց տալ. իսկ ինչո՞ւմ է արտահայտվել դավաճանությունը, ո՞րն է դավաճանությունը: Մեզ միևնույն ժամանակ մեղադրում են հողերը և՛ հանձնելու, և՛ չհանձնելու մեջ: Մենք կանգնել ենք այնքան ժամանակ, որքան հնարավոր էր կանգնել: Եվ մենք որոշում ենք կայացրել այն ժամանակ, երբ որոշումը պետք էր կայացնել: Հակառակը՝ կլիներ ավելի մեծ աղետ: Մեզ ասում են՝ էս դավաճանական իշխանությունը պետք է հեռանա: Հարց՝ իսկ ի՞նչ է լինելու այս պարտության մեջ այդ հեռացումից հետո: Այդ փաստաթուղթը, որը մենք ստորագրել ենք՝ շատ ծանր, շատ դաժան, ի՞նչ եք անելու, ճղելու ե՞ք, գցելու ե՞ք: Ասում են, ոչ, որովհետև դա կլինի աղետ, հետևաբար, դրա չստորագրելն էլ կլիներ աղետ, ավելի մեծ աղետ»,- նշեց վարչապետը:

Նիկոլ Փաշինյանը առաջարկեց բանակցային գործընթացից սկսած պատերազմական բոլոր դրվագներով հանդերձ քննել պարտության պատճառները:

«Ես համաձայն եմ քննենք, քննարկենք բոլոր դրվագները` սկսած բանակցային գործընթացից, վերջացրած պատերազմի բոլոր դրվագներով»,- ասաց Փաշինյանը:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]