384.81
ԳԴՀ պետնախարարը կարևորել է ԼՂ հակամարտության քաղաքական լուծումը ՄԽ համանախագահների հովանու ներքո
1 րոպեի ընթերցում
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Գերմանիայի Դաշնային Հանրապետության Եվրոպայի հարցերով պետական նախարար Միխայել Ռոթը Հայաստանին և Ադրբեջանին կոչ է արել ռազմագերիների և անհայտ կորած անձանց հարցերով լիարժեք թափանցիկությամբ համագործակցել Կարմիր Խաչի միջազգային կոմիտեի հետ: «Արմենպրես»-ի փոխանցմամբ՝ այս մասին Ռոթը գրել է «Թվիթեր»-ի իր միկրոբլոգում:
«Հայաստանը և Ադրբեջանը պետք է լիարժեք թափանցիկությամբ համագործակցեն ԿԽՄԿ-ի հետ՝ ռազմագերիների և անհայտ կորած անձանց հարցերով: Տևական խաղաղությունը և հաշտեցումը պահանջում են հակամարտության քաղաքական լուծում՝ ԵԱՀԿ Մինսկի խմբի համանախագահների հովանու ներքո»,- գրել է Ռոթը:
Գերմանիայի Եվրոպայի հարցերով պետնախարարը նշել է, որ Լեռնային Ղարաբաղում բախումները դադարել են, սակայն վերքերը դեռ բաց են:
Բաժանորդագրվեք մեր ալիքին Telegram-ում