Մարուքյանը հանդիպել է Մեղրիի քաղաքապետին
16:49, 30 Դեկտեմբեր 2020
ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ: Ազգային ժողովի «Լուսավոր Հայաստան»խմբակցության ղեկավար Էդմոն Մարուքյանը հանդիպել է Մեղրիի քաղաքապետ Մխիթար Զաքարյանի եւ նրա տեղակալի հետ, լսել համայնքի խնդիրները եւ առաջարկները, որոնցով պարտադիր պետք է զբաղվի։ «Արմենպրես»-ին այս մասին հայտնեցին «Լուսավոր Հայաստան» կուսակցության մամուլի ծառայությունից:
«Մեղրին ինձ համար հատկապես հարազատ վայր է, քանի որ այստեղ է անցել իմ զինվորական ծառայությունը, Մեղրու սահմանային դիրքերում անցել եմ մարտական հերթապահություն։ Անպայման հետամուտ եմ լինելու Մեղրիի անվտանգային խնդիրների լուծմանը», «Ֆեյսբուք»-ի իր էջում գրել է Էդմոն Մարուքյանը։
Բաժանորդագրվեք մեր ալիքին Telegram-ում