ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը կոչ  է անում քաղաքացիներին դեկտեմբերի 8-ին ժամը 17:00-ից դադարեցնել քաղաքացիական անհնազանդության բողոքի ակցիաները: Ինչպես տեղեկացնում է «Արմենպրես»-ը, Սաղաթելյանն այս մասին գրել է «Ֆեյսբուք»-ի իր էջում:

«Հայրենիքի փրկության շարժման» անունից հանդես կգանք հայտարարությամբ և կներկայացնենք մեր հետագա անելիքները»,- գրել է Սաղաթելյանը:

«Հայրենիքի փրկության շարժում»-ը դեկտեմբերի 8-ին տվել է մեկնարկը քաղաքացիական անհնազանդության բողոքի ակցիաների` ՀՀ վարչապետ Նիկոլ Փաշինյանի հրաժարականի պահանջով: Այն ձևավորվել է ընդդիմադիր 16 կուսակցությունների համագործակցությամբ։ Վարչապետի միասնական թեկնածուն Վազգեն Մանուկյանն է։