Հայկական կողմը ուսումնասիրում է Ադրբեջանի կողմից ֆոսֆորային արկեր կիրառելու մասին տեղեկությունը
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Հայկական կողմը ուսումնասիրում է Ադրբեջանի կողմից ֆոսֆորային արկեր և միջոցներ կիրառելու մասին տեղեկությունը: Ինչպես տեղեկացնում է «Արմենպրես»-ը, մամուլի ասուլիսի ժամանակ այս մասին ասաց ՊՆ ներկայացուցիչ Արծրուն Հովհաննիսյանը:
«Ուսումնասիրում ենք ֆոսֆորային արկերի և միջոցների կիրառությունը: Ընդհանուր առմամբ Ադրբեջանի կողմից Արցախի խաղաղ բնակչության նկատմամբ, հատկապես Շուշիում, Ստեփանակերտում, Մարտունիում, Մարտակերտում, Ասկերանում և այլ բնակավայրերում հանցագործության և մարդկանց դեմ արգելված զինատեսակների կիրառության մասով ևս մեկ անգամ ուզում եմ նշել, որ սա պետք է լինի աշխարհի ուշադրության կենտրոնում»,- ասաց Հովհաննիսյանը:
The description of this video claims to show that phosphorus weapons are being used by #Azerbaijan to set fires in #Artsakh forests. pic.twitter.com/GK81EdlYBL
— Razm.info (@razminfo) October 30, 2020
Համացանցում տեղեկություններ են տարածվել, որ Ադրբեջանի զինված ուժերը սկսել է կիրառել ֆոսֆորային արկեր: Նմանատիպ արկերի կիրառման վերաբերյալ նաև տեսանյութ է տարածվել:
Բաժանորդագրվեք մեր ալիքին Telegram-ում